گاندربل پولیسَن کٔرۍ بنگلور تہٕ مہاراشٹرا پٮ۪ٹھہٕ 13 ؤرۍ یَو پٮ۪ٹھٕ مطلوب 2 فرار نفر گِرِفتار

فرار افرادَن خٕلاف خصوٗصی کاروٲیی جٲری تھٲوِتھ چھِ گاندربل پولیسَن بنگلور تہٕ مہاراشٹرا پٮ۪ٹھٕ 13 ؤرۍ یَو پٮ۪ٹھہٕ مطلوب زٕ فرار گِرِفتار کٔرمٕتۍ۔ پُلیس ترجمانَن ووٚن زِ ایس ایس پی گاندربل خلیل پوسوال سٕنٛدِس ہِدایتس پٮ۪ٹھ کٔر گاندربل پولیسٕچ أکۍ خصوٗصی ٹیٖمَن لَگاتار تہٕ سخت کوٗشِشہِ پتہٕ زٕ مفرور گِرِفتار یِم 13 ؤریو پٮ۪ٹھ بنگلور تہٕ مہاراشٹرا پٮ۪ٹھٕ مطلوب ٲسۍ۔ تٔمۍ ووٚن زِ ایف آئی آر نمبر 34/2013 آیہ پی سی دفعہٕ 392، 511 تہٕ 34 تہٕ ایف آئی آر نمبر 17/2013 تحت آئی پی سی دفعہٕ 366 تہٕ 109 تحت درٕج کرنہٕ۔ تٔمۍ ووٚن زِ وۄنۍ یِیہِ دۄشوٕنی خلاف قونوٗن مُطٲبِق قونوٗنی کاروٲیی کرنہٕ۔ پُلیس ترجمانَن ووٚن زِ یہِ کامیاب کاروٲیی چھےٚ گاندربل پولیس کہِ عزم تہٕ لگنہِ ہٕنٛز عکٲسی کران زِ جُرمُک چھُنہٕ کانٛہہ تہِ مۄکلُن تہٕ کانٛہہ تہِ مُجرِم چھُنہٕ قونوٗن کہِ رسٲیی نیبر۔ تٔمۍ ووٚن زِ پولیس روزِ انصاف، امن تہٕ عوٲمی تحفظ کِس مفادَس منٛز تمام مُجرِمن تہٕ فرار افرادَن خلاف کاروٲیی جٲری تھٲوِتھ۔