کٔشیٖرِ منٛز آو کرسمسُک مُقدس تہوار شان شان و شوکت سان مناونہٕ۔

باقٕے دُنِیاہٕکۍ پٲٹھۍ آو کرسمسُک مُقدس تہٕ خوشی ہُنٛد تہوار وادی کٔشیٖرِ منٛز برٛسوارِ دۄہ سٮ۪ٹھاہ شان و شوکت ، مذہبی عقیدت تہٕ احتِرام سان مناونہٕ۔ خۄشٕک موسم تہٕ سردی باوجوٗد آیہ عیسٲے برادری ہٕنٛدۍ ارکان تہٕ باقی عقیدت مند بٔڑِس تعدادس منٛز گرجا گھرن منٛز گژھان وٕچھنہٕ۔
وادی ہٕنٛز سارِوٕے کھۄتہٕ بٔڑ کرسمس تقریب آیہِ مولانا آزاد روڈَس پٮ۪ٹھ واقعہٕ ہولی فیملی کیتھولک چرچَس منٛز مُنعقد کرنہٕ، ییٚتہِ صُبحہ پیٹھٕ لُکن ہُنٛد اکھ لگاتار سلسلہ موجود اوس۔ اتھ موقعس پیٹھ اوس چرچ خوبصورتی سان سجاونہٕ آمُت۔ مذہبی رسمن دوران آیہِ وادی منٛز امن، خۄشحٲلی تہٕ بٲے بٲے فروغ دِنہٕ خٲطرٕ خصوصی دُعا دُعا کرنہٕ، تہٕ عقیدت مندَن منٛز آیہِ مِٹھٲے تہِ بٲگراونہٕ۔