حکومت چھِ بجلی سستہٕ بناونٕچ عمل جٲری تھٲوِتھ: عمر عبداللہ

جموں و کشمیرٕکۍ وزیر اعلیٰ عمر عبداللہ ہَن ووٚن زِ حکوٗمتَن چھُ عوٲمی فلاح و بہبودَس ترجیح دِتھ بجلی سستہٕ تھاونُک عمل جٲری تھوومُت۔ تٔمۍ ووٚن زِ جموں و کشمیرَس منٛز چھُنہٕ 2025-26 مٲلی ورۍ یَس منٛز بجلی کِس عام قۭمتَس منٛز کانٛہہ ہُرٮ۪ر گوٚمُت۔ وزیر اعلیٰ سٕنٛدِس دفترَس ‘ایکس’ ہینڈلَس پٮ۪ٹھ أکِس پوسٹَس منٛز اوسُکھ وننہٕ آمُت: ‘حکوٗمت چھِ بجلی سستہٕ تھٲوِتھ لوٗکَن ہٕنٛز فلاح و بہبود ترجیح دِوان۔ پوسٹَس منٛز اوسُکھ بیٚیہِ وَننہٕ آمُت: ‘2025-26 مٲلی ورۍ یَس منٛز چھُنہٕ جموں و کشمیرَس منٛز بجلی کِس عام شرحَس منٛز کانٛہہ ہُرٮ۪ر گوٚمُت، تہٕ ٹایِم آف ڈے (ٹی او ڈی) ٹیرف تہِ روزِ نہٕ کانٛہہ تبدیٖلی۔’