2019 پیٹھہٕ چُھ کٲشرٮ۪ن جموں و کشمیرس اندر تہٕ نٮ۪بر مخٲلفتس سٍتۍ لڑ: آغا سید روح اللہ مہدی

نیشنل کانفرنسٕکۍ سینئر رہنُما تہٕ سرینگرٕکۍ ممبر پارلیمنٹ، آغا روح اللہ مہدی یَن چھُ الزام لگٲومُت زِ 2019 پیٹھٕ چھِ کٲشِرٮ۪ن جموں و کشمیر تہٕ مُلکہٕ کٮ۪ن باقٕے ریاستن منٛز لگاتار مخٲلِفت تہٕ دُشمنی ہُنٛد سامنہٕ کران۔ تٔمۍ دِژ بھارتیہ جنتا پارٹی (بی جے پی) ہٕنٛز پالیسیہِ یَتھ بدلوٕنِس صورتحالس ہوا دِنہٕ تہٕ کٔشیٖرِ لوٗکَن خٕلاف بڑوٕنُک شَکھ پٲدٕ کرنُک ذمہٕ وار۔ سرینگرَس منٛز أکِس پریس کانفرنسَس خٕطاب کٔرِتھ تُل آغا روح اللہ مہدی یَن سرکٲرۍ دعوَن پٮ۪ٹھ سٔنٛجیٖدٕ سوال زِ جموں و کشمیرٕچ صورتحال چھِ معمول کُن واپس آمٕژ۔ تٔمۍ دِیُت کرنال، ہریانہ ہَس منٛز کٲشِرۍ مُسافِر نِنہٕ واجنہِ بسہِ ہُنٛد حالٕے واقعہٕ، سخت تصدیقی نظام، من مٲنِی گِرِفتٲری تہٕ شاہراہَن پٮ۪ٹھ کٲشرٮ۪ن سفری مُشکِلاتن ہُنٛد حوالہٕ۔ تٔمۍ ووٚن سوال زِ اگر پٔزۍ پٲٹھۍ حالات معمول کُن واپس آمٕتۍ چھِ، تیٚلہِ کیازِ چھِ کٲشرٮ۪ن مسافرَن نِنہٕ واجنہِ بسَن پٮ۪ٹھ حملہٕ یِوان کرنہٕ تہٕ سانٮ۪ن لوٗکَن کیازِ چھِ نشانہٕ بناونہٕ یِوان؟