بارہمولہ ہَس منٛز دہشت گردَن ہٕنٛدۍ 2 سٲتھی ہتھیار تہٕ گولہٕ بوروٗد ہیتھ گِرِفتار۔تلٲشی دوران آو تِہنٛدِ قبضہ تلہٕ کھنڈک تُرکی پِستول تہٕ 10 راؤنڈ ہیتھ اکھ میگزین برآمد ۔

شُمٲلی کٔشیٖرِ کِس بارہُلا ضِلعَس منٛز سرکٲرِ ذرایعَو ووٚن زِ سیکورٹی فورسَن چھِ دہشت گردی سۭتۍ وابستہٕ زٕ سٲتھی گِرِفتار کٔرمٕتۍ تہٕ تِمَن نِش چھِ ہتھیار برآمد کٔرمٕتۍ۔ بَھروسہٕ مُطٲبِق خفیہ زانکٲری پٮ۪ٹھ کاروٲیی کٔرِتھ کٔر 52 ہِمہِ راشٹریہ رایفٕلز تہٕ بارامولا پولیسَن مُشترکہٕ طور بارامولا کِس درپورہ نرسری علاقَس منٛز دلینا گھاٹَس نزدیٖک زٕ دہشت گرد سٲتھی گِرِفتار۔ حکامَو ووٚن زِ تلٲشی دوران آیہِ تِہنٛدِ قبضَس نِش کھنڈک تُرکی دٔسۍ بناونہٕ آمُت پستول، 10 راؤنڈ وول اکھ میگزین تہٕ زٕ مَریلو بم برآمد کٔرمٕتۍ۔ تِمَو ووٚن زِ دۄشوٕے نفر چھِ سوپور کِس چانکی پورہ علاقَس سۭتۍ تعلُق تھاوان۔ حکامَو ووٚن بیٚیہِ زِ گۄڈٕ ٲسِکھ دۄشوَے زٔمیٖنی کارکُن پٲٹھۍ کٲم کران لبنہٕ آمٕتۍ تہٕ امکان چھُ زِ تِم ٲسۍ دہشت گردَن باپتھ ہتھیار تہٕ دھماکہٕ خیز مواد واتناونَس منٛز شٲمِل۔