شوپیانَس منٛز منشیات فروش گِرِفتار، چرٕس ہیوٗ مادٕ برآمد: پُلیٖس

ڈرگ ڈِلَرَن خٕلاف پنٕنۍ مُہِم جٲری تھٲوِتھ کٔر جموں و کشمیر پولیسَن جنوٗبی کشمیر کِس شوپیاں ضِلعَس منٛز اکھ نشاور دَوا فروش گِرِفتار تہٕ أمِس نِش کوٚرُکھ چرٕس ہیوٗ ممنوعہ چیز ضبط۔ پُلسہٕ کہِ ترجمانَن ووٚن أکِس بیانَس منٛز زِ شوپیاں پُلسہٕ تھانہٕ کہِ أکہِ ٹیٖمَن وُچھ اکھ شخٕص نادیگم جنکشنَس نزدیٖک شَکاوَر پٲٹھۍ کٲم کران تہٕ کوٚرُکھ سُہ رٔٹمُت۔ تِمَو ووٚن بیٚیہِ زِ تلٲشی دوران آو أمۍ سٕنٛدِس قبضَس منٛز 495 گرام چرٕس ہیوٗ ممنوعہ مادٕ برآمد کرنہٕ، ییٚمہِ پتہٕ سُہ فوری طور موقعہٕ پٮ۪ٹھ گرفتار کرنہٕ۔ مُلزِم سٕنٛز شناخت چھِ نادیگامُک روزَن وول غلام محی الدین موچی ناوٕ سۭتۍ کرنہٕ آمٕژ۔ پُلسہٕ ترجمانَن ووٚن ووٚن زِ این ڈی پی ایس ایکٹ کٮ۪ن مُتعلقہٕ دفعاتن تحت چھِ شوپیاں پولیس تھانس منٛز ایف آئی آر نمبر 2/2026 تحت ایف آئی آر درٕج کرنہٕ آمٕژ، تہٕ مٔزیٖد تفتیش چھِ شُروٗع گٔمٕژ۔ تٔمۍ ووٚن زِ شوپیان پولیس چھُ ضِلعہٕ منٛزٕ نشاور ادوِیات ختم کرنہٕ یٔقیٖنی بناونہٕ خٲطرٕ پرعزم ۔