کٔشیٖرِ منٛز چُھ رٲژ ہٕنٛز شدید سردی جٲری، گُلمرگہ منٛز درجہٕ حرارت چھُ -6.5 ڈگری سیلسیس ریکارڈ کرنہٕ آمُت

وادی کٔشیٖرِ منٛز چھِ خۄشٕک موسم تہٕ دۄہَس ہلکہٕ تاپھ آسنہٕ کِنۍ رٲژ ہٕنٛز سخت سردی جٲری۔
محکمہٕ موسمیات کہِ ترجمانَس مُطٲبِق آو رٮ۪تہٕ کالہِ دارالحکوٗمت سرینگرَس منٛز کم از کم درجہٕ حرارت -3.2 ڈگری سیلسیس ریکارڈ کرنہٕ، ییٚلہِ زن پٔتمہِ رٲژ ہُنٛد درجہٕ حرارت -1.5 ڈگری سیلسیس ریکارڈ کرنہٕ آمُت۔
28 نومبر آو سرینگرَس موٗجوٗدٕ موسمٕچ سارِوٕے کھۄتہٕ سرد رٲژ ییٚلہِ رٲژ ہُنٛد درجہٕ حرارت -4.5 ڈگری سیلسیس ریکارڈ آو کرنہٕ۔
گُلمرگ، وادی ہُنٛد سارِوٕے کھۄتہٕ مشہوٗر سیاحتی مُقام، روٗد سارِوٕے کھۄتہٕ سرد علاقہٕ ییٚتہِ کم از کم درجہٕ حرارت -6.5 ڈگری سیلسیس ریکارڈ اوس کرنہٕ آمُت۔ راتھ رٲژ آو تتہِ تہِ یۅہے درجہٕ حرارت درٕج کرنہٕ۔
وادی ہُنٛد بیٛاکھ مشہوٗر سیاحتی مُقام پہلگامَس منٛز آو رٲژ ہُنٛد درجہٕ حرارت -4.0 ڈگری سیلسیس ریکارڈ کرنہٕ۔
سرحدی ضِلعہٕ کُپواڑہَس منٛز آو کم از کم درجہٕ حرارت -2.5 ڈگری سیلسیس ریکارڈ کرنہٕ، ییٚلہِ زَن کشمیر کہِ گیٹ وے ناوٕ سۭتۍ مشہوٗر قصبہٕ قاضی گنٛڈَس منٛز آو کم از کم درجہٕ حرارت -4.0 ڈگری سیلسیس ریکارڈ کرنہٕ۔
وسطی کشمیر