کویویندر گپتاہن کوٚر باضٲبطہٕ لداخ سٕپورٹس پالسی 2026 ہُک آغاز
مرکزی زیر انتظام علاقہٕ لداخٕکۍ لیفٹیننٹ گورنر، کویویندر گپتاہَن کوٚر بَٹہٕ وارِ دۄہ لیہہ کِس ایل جی سیکریٹریٹَس منٛز لداخ سپورٹس پالیسی 2026 ہُک باضٲبطہٕ آغاز۔تٔمۍ ووٚن زِ یہِ پالیسی چھِ کھلٲڑین بااختیار بناونہٕ، تِہنٛدِ فلاحی اقداماتَن مضبوٗط کرنہٕ تہٕ پوٗرٕ لداخَس منٛز کھیلَن ہٕنٛز جامع ترقی فروغ دِنہٕ خٲطرٕ اکھ اَہَم تہٕ تٲریٖخی قدم۔یہِ معلوٗمات آیہ لداخ کِس لیفٹیننٹ گورنر سٕندِ دفترٕ کِس سرکٲری ہینڈلس پیٹھ اکہِ ڈاکہِ ذٔریعہٕ فراہم کرنہٕ ۔پوسٹَس منٛز اوسُکھ وننہٕ آمُت: ‘لیفٹیننٹ گورنر کویویندر گپتاہَن کوٚر آز لیہہ کِس ایل جی سیکریٹریٹَس منٛز لداخ سپورٹس پالیسی 2026 باضٲبطہٕ طور شروع’۔پوسٹَس منٛز اوسُکھ بیٚیہِ ونٛنہٕ آمُت: ‘یہِ پالیسی چھِ کھلٲڑٮ۪ن بااختیار بناونہٕ، تِہنٛدِ فلاحی اقداماتَن مضبوٗط کرنہٕ تہٕ پوٗرٕ لداخَس منٛز کھیلَن ہٕنٛز جامع ترقی فروغ دِنہٕ خٲطرٕ اکھ اَہَم تہٕ تٲریٖخی قدم۔