عمر عبداللہ ہَن کٔر سیاحت محکمہٕ تہٕ جموں و کشمیر کیبل کار کارپوریشنُک کیلنڈر جٲری

جموں و کشمیرٕکۍ وزیر اعلیٰ عمر عبداللہ ہَن کٔر بوموارِ دۄہ سیاحت محکمہٕ تہٕ جموں و کشمیر کیبل کار کارپوریشنُک کیلنڈر جٲری۔
وزیر اعلیٰ سٕنٛدِس دفترَس ‘ایکس’ ہینڈلَس پٮ۪ٹھ چھُ أکِس پوسٹَس منٛز ونٛنہٕ آمُت: ‘وزیر اعلیٰ ہن کوٚر از سیاحت محکمہٕ تہٕ جموں و کشمیر کیبل کار کارپوریشنُک کیلنڈر جٲری’۔
پوسٹ مُطٲبِق چھِ یِمَن کیلنڈرَن منٛز جموں و کشمیر دۄشوٕنی علاقَن ہٕنٛدٮ۪ن مُختٔلِف سیاحتی مقامَن ہٕنٛزٕ دِلچسپ تصویٖرٕ شٲمِل۔
کیلنڈر چھِ سیاحتَس فروغ دِنٕچ اہم کامیابیَن ہُند خاص پٲٹھۍ اجاگر کران۔