پلوٲمِس منٛز آیہِ ٹرکہِ منٛزٕ ہیروئِن ضبط کرنہٕ، ڈرائیور گِرِفتار: پُلیٖس

منشیاتَس خٕلاف جٲری مُہِمہِ تحت أکِس بٔڑِس کامیٲبی منٛز کوٚر پلوامہ پولیسَن چیک پوائنٹ کارروائیَس دوران أکِس ٹرکہِ منٛزٕ لچھَن رۄپیہِ قٕمٕتُک ہیروئِن ہیوٗ ممنوعہ چیز برآمد تہٕ ٹرک ڈرائیور کوٚرُکھ گِرِفتار۔

پُلسہٕ کہِ ترجمانَن ووٚن زِ پلوامہ پولیسٕکہِ أکہِ ٹیٖمَن رُکٲوُکھ أکِس چیک پوسٹَس دوران لٹر علاقَس منٛز رجسٹریشن نمبر JK22B – 3175 ہیتھ اکھ ٹرک تہٕ تلٲشی دوران کوٚرُکھ گاڑِ منٛزٕ 263 گرام ہیروئِن ہیوٗ ممنوعہ چیز برآمد ۔

تٔمۍ ووٚن زِ ٹرک ڈرائیور سٕنٛز شناخت چھِ واگم باجبہارا کِس روزَن وٲلِس مقبول احمد گنئی سُنٛد نیٚچُو، اَتھر مقبول گنئی ناوٕ سۭتۍ کرنہٕ آمٕژ۔

تٔمۍ ووٚن ووٚن زِ ڈرائیور اوسُکھ موقعہٕ پٮ۪ٹھے گِرِفتار کوٚرمُت تہٕ ٹرک آو ضبط کرنہٕ۔

پُلسہٕ ترجمانَن ووٚن بیٚیہِ زِ این ڈی پی ایس ایکٹ کِس دفعہٕ 8/21 تحت ایف آئی آر نمبر 3/2026 سۭتۍ چھِ مُتعلقہٕ پُلیٖس تھانس منٛز ایف آئی آر درٕج کرنہٕ آمٕژ، تہٕ منشیاتُک آگُر، تِہٕنٛز واتناونٕچ مُقام، تہٕ اتھ منٛز شٲمِل باقٕے لوٗکَن ہٕنٛز شناخت کرنہٕ خٲطرٕ چھِ مٔزیٖد تفتیش شُروٗع کرنہٕ آمٕژ۔