کٔشیٖرِ منٛز چھُ یِنہٕ والٮ۪ن ترٛٮ۪ن دۄہَن منٛز دۄہلہِ درجہٕ حرارتَس منٛز مزید ہُریرُک امکان۔

خۄشٕک موسم تہٕ دۄہ دۄہ کھۄتہٕ لَگاتار زیادٕ درجہٕ حرارتَس درمیان چھُ محکمہٕ موسمیاتَن یِنہٕ والٮ۪ن ترٛٮ۪ن دۄہَن منٛز وادی کشمیرَس منٛز دۄہلہِ درجہٕ حرارتَس منٛز مزید ہُریرٕچ پیشن گویی کٔرمٕژ۔ پننِس ایڈوائزری منٛز ووٚن محکمَن زِ یِنہٕ والٮ۪ن ترٛٮ۪ن دۄہَن منٛز چھُ وادی منٛز دۄہلہِ درجہِ حرارتَس منٛز 2 پٮ۪ٹھٕ 3 ڈگری سیلسیس ہُریرُک امکان۔ تاہم، امہِ پتہٕ چھُ زیادٕ تر علاقن منٛز درجہٕ حرارتس منٛز 3 پیٹھٕ 5 ڈگری سیلسیس تام کمی ہُنٛد امکان۔ تِمَو دِیُت زٔمیٖن دارن ہُنٛد مشورٕ زِ تِم ہٮ۪کَن زٔمیٖن دٲری ہٕنٛز سرگرمی معموٗلی محکمٕکۍ ترجمانَن کٔر 17 مارٕچ تام موسمی حالاتَس مُتعلِق تَفصیٖلات دِنہٕ، یہِ وَنُن زِ وادی ہُنٛد موسم روزِ 5 پٮ۪ٹھٕ 6 مارٕچ تام خۄشٕک روزنُک امکان۔ تٔمۍ ووٚن زِ 7 پٮ۪ٹھٕ 9 مارٕچَس تام چھُ موسم عام طور اوٚبُر روزُن، یَتھ وقتَس دوران کینژن پہٲڑی علاقَن منٛز ہلکہٕ شیٖن یا روٗد پیٚیہِ۔ تٔمۍ ووٚن ووٚن زِ 10 تہٕ 11 مارٕچ دۄہ چھُ موسم کُنہِ حدس تام اوٚبُر روزُن، یتھ منٛز کینٛہہ پہٲڑی علاقن منٛز ہلکہٕ شیٖن پیٚنُک تہٕ روٗد پیٚنُک اِمکان چھُ۔