مشرق وسطیٰ ہس منزہوٲیی کاروٲیی مُتٲثِر، جموں و کشمیرٕکۍ تقریباً 2000 عمرہ حٲجی چھِ پٔھسِتھ۔

امریکہ، اسرٲیل تہٕ ایرانس درمیان بڑوُن تناؤ آسنہٕ کِنہِ مشرق وسطیٰ ہس منز فضائی حدود جزوی طور بند گژھنہٕ تہٕ بٔڑِس پیمانس پیٹھ پروازن ہنز منسوخی پتہٕ چھِ جموں و کشمیرٕکۍ تقریباً زٕ ساس عمرہ زائرین مختلف مُلکن منز پھسۍمٕتۍ، یمہِ سٍتۍ نہ صرف حاجن بلکہ ٹریول آپریٹرن ہندِ خاطرہ تہِ شدید مشکلات پٲدٕ سپدان چھِ۔ حج تہٕ عمرہ کمپنیَن ہٕنٛدیو حکامَو ووٚن زِ وادی سۭتۍ سۭتۍ جموں و کشمیر کٮ۪ن مُختلِف علاقَن پٮ۪ٹھ چھِ ہتہٕ بٔدۍ زائرین وُنکیٚنَس مکہ، مدینہ تہٕ جدہ ہَس منٛز رُکاونہٕ آمٕتۍ تِکیازِ واریاہَو ایئر لائنَو چھِ موجودٕ علاقٲیی صورتحالہٕ کِنۍ پنٕنۍ پروازٕ منسوخ کٔرمٕژ یا ژیر کٔرمٕژ۔ تِمَو ووٚن زِ یہِ صورت حال چھِ نہ صِرِف تِم زائرین مُتٲثِر کران یِم عمرہ کرنہٕ خٲطرٕ گۄڈَے سعودی عرب وٲتِمٕتۍ چھِ بلکہِ تِم تہِ یِم سرینگر تہٕ مرکزی زیر انتظام علاقہٕ کٮ۪ن باقٕے علاقَو پٮ۪ٹھٕ نیرنٕچ پیاران ٲسۍ۔