10 پٮ۪ٹھٕ 12 مارٕچَس تام چھُ کٔشیٖرِ منٛز شیٖن تہٕ روٗدُک امکان، درجہٕ حرارتَس منٛز نمایاں کٔمی ہُنٛد امکان۔

محکمہ موسمیات چہِ پیشن گویی مُطٲبِق چھُ یِنہٕ والٮ۪ن دۄہَن منٛز وادی کشمیرَس منٛز بٔڑِس پیمانَس پٮ۪ٹھ موسمٕچ تبدیلی ہُنٛد اِمکان، تہٕ اَتھ وقتَس دوران چھُ کینٛہَن ضِلعن ہٕنٛدٮ۪ن پہٲڑی علاقَن منٛز معموٗلی شیٖن پیٚنُک امکان۔تِمَو ووٚن زِ وادی منٛز ہیکہِ دۄہُک درجہٕ حرارت 9 پٮ۪ٹھٕ 12 مارچَس تام 4 پیٹھٕ 6 ڈگری سیلسیس کم گژھِتھ۔محکمٕکۍ ترجمانَن ووٚن زِ وادی ہُنٛد موسم ہیکہِ عام طور 7 پیٹھٕ 9 مارچَس تام اوٚبُر روزِتھ، یَتھ وقتَس دوران کینژن پہٲڑی علاقَن منٛز ہلکہٕ شیٖن یا روٗد پیٚنُک اِمکان چھُ۔تِمَو ووٚن زِ پتہٕ چھُ 10 پٮ۪ٹھٕ 12 مارٕچَس تام موسم عام طور اوٚبُر روزان، یَتھ منٛز واریاہَن پہٲڑی علاقَن منٛز ہلکہٕ شیٖن یا روٗد پیٚنُک اِمکان چھُ۔تِمَو ووٚن ووٚن زِ اَتھ عرصَس دوران ہیکہِ کُپواڑہ، باندی پورہ، گندر بل تہٕ اننت ناگ ضِلعہٕ کٮ۪ن کینٛژن پہٲڑی علاقن منٛز معموٗلی شیٖن پیٚتھ۔ترجمانَن ووٚن زِ 13 پٮ۪ٹھٕ 15 مارٕچَس تام چھُ موسم عام طور اوٚبُر روزُن، تہٕ کینٛہَن پہٲڑی علاقَن منٛز ہلکہٕ شیٖن پیٚیہِ۔