شال کدل سرینگرٕنارُک خوفناک واقعہٕ ۔ 5 رِہٲیشی مکانہٕ سوٗرۍ، لَچھہٕ واد رۄپین ہُنٛد نۄقصان واریاہ خاندان گٔے بے گھر، یلہٕ آسمانس تل روزنہٕ خٲطرٕ مجبور۔

سرینگر شہرَس منٛز نار لگنہٕ کٮ۪ن بڑوٕنٮ۪ن واقعاتَن درمیان گٔیہِ شال کدل، حبا کدل، سرینگرَس منٛز پانٛژھ رہٲیشی مکانہٕ أکِس خوفناک واقعَس منٛز زالنہٕ۔ سی این آیی شہرٕکۍ أکِس رپورٹر مُطٲبِق لوٚگ برٛسوارِ دۄہ صُبحٲے سُلی حبا کدل، شال کدل، سرینگرَس منٛز اکھ خطرناک نار۔ فائر اینڈ ایمرجنسی سروسز ڈیپارٹمنٹُک حوالہٕ دِوان ووٚن نامہ نگارن زِ فائر سروس ہیڈ کوارٹرَس آو برٛسوارِ دۄہ صُبحٲے 3:30 بجہِ کال یَتھ منٛز شال کدل علاقَس منٛز أکِس رہٲیشی مکانَس منٛز نار لگنٕچ اطلاع آیہِ دِنہٕ۔ وننہٕ چھُ یِوان زِ کال رٔٹنہٕ پتہٕ آیہِ ہیڈکوارٹر ایس ایچ پورا مہاراج گُنج تہٕ بابا ڈیمب پٮ۪ٹھٕ نارٕکۍ ٹینڈر موقعہٕ جایہِ پٮ۪ٹھ سوزنہٕ۔ وٲتِتھ آو یہِ وُچھنہٕ زِ ژور رہٲیشی مکانہٕ، یِم اکھ أکِس نزدیٖک واقعہٕ چھِ، ٲسۍ نارَس منٛز لٔبِتھ۔ نار بجھاونٕچ کاروٲیی آیہِ تاخیر ورٲے شُروٗع کرنہٕ۔