*ڈی سی کُپواڑہَن ہیوت ڈِجٹل کرٛاپ سرویچہ پیشرفژ جٲیزٕ*

کُپواڑہٕکۍ ڈپٹی کمشنر شری شری کانت سوسے، آئی اے ایسَن کٔر از ڈیجیٹل کرٛاپ سروے (ڈی سی ایس) چہِ پیشرفت تہٕ بیک لاگ تغیرَن ہٕنٛز جٲری ڈیجیٹلائزیشن ہُنٛد جٲیزٕ لگاونہٕ خٲطرٕ أکِس جٲیزٕ اجلاسٕچ صدارت۔

تٔمۍ کٔر تحصیل وار پیشرفت ہُنٛد جٲیزٕ تہٕ ہدایت زِ یہِ گژھہِ جلدی کرنہٕ۔ تٔمۍ دِژ تمام مُتعلقہٕ افسرَن ہدایت زِ تِم گژھن یہِ یٔقیٖنی بناونہٕ زِ ڈِجٹل فصلُک سروے یِیہِ یِنہٕ والٮ۪ن 3 دۄہَن انٛدر مُکمل کرنہٕ۔

بیک لاگ میوٹیشنَن ہٕنٛدِس ڈِجیٹلائزیشن ہُنٛد جٲیزٕ نِنہٕ وِزِ کٔر تٔمۍ زیر التوا معاملَن پٮ۪ٹھ تشویش ہُنٛد اظہار تہٕ دِیُتُن تمام تحصیلدارَن ڈِجیٹلائزیشن ہٕنٛز عمل تیز کرنٕچ ہدایت۔

اَتھ میٹنگَس منٛز کٔر اسسٹنٹ کمشنر ریونیو، کپواڑہ، ایس ڈی ایم لولاب، تحصیل دار، تہٕ زراعت تہٕ باغبانی محکمَن ہٕنٛدِ باقٕے مُتعلقہٕ افسرَو شرکت۔