اُدھم پورانکاونٹر:2 دہشت گرد ہلاک، تلٲشی کاروٲیی جٲری۔
جموں و کشمیر کِس اُدھم پوٗر ضِلعَس منٛز ماجالتہٕ کِس ‘باراتل سوان’ تہٕ ‘کھوبن’ علاقَن منٛز سپٕدۍ سیکورٹی فورسز تہٕ دہشت گردَن درمیان جٲری مُقابلَس منٛز 2دہشت گرد مارٕ۔ فوجَن کٔر ہلاکتَن ہٕنٛز تصدیٖق یہِ ؤنِتھ زِ دہشت گردی خٕلاف مُہِم کِس نٔتیٖجَس منٛز آیہِ زٕ دہشت گرد ختم کرنہٕ۔
سوشل میڈیا پلیٹ فارم ‘ایکسس’ پٮ۪ٹھ أکِس پوسٹَس منٛز دِیُت فوجٕکۍ وائٹ نائٹ کورپسَنن اطلاع زِ ’16-17 ستمبر 2026 چہِ رٲژ خفیہ معلوٗماتن ہٕنٛدِس بُنیادَس پٮ۪ٹھ آو اکھ مُشترکہٕ فوجی آپریشن شروع کرنہٕ۔ تصدیق شُدٕ خفیہ معلوماتو پتہٕ کٔر وائٹ نائٹ کورپس، جموں و کشمیر پولیس تہٕ سی آر پی ایف اہلکارَو خراب موسم، مُشکِل علاقہٕ تہٕ واریاہ کم بوزنہٕ یِنہٕ باوجوٗد دہشت گردی خٕلاف کاروٲیی شُروٗع، ییٚمہِ کِس نٔتیٖجس منٛز زٕ دہشت گرد ہلاک گٔے’۔
فوجہِ مُطٲبِق چھِ علاقَس منٛز تلاش تہٕ نگرٲنی ہُنٛد آپریشن وُنہِ تہِ جٲری۔ سیکورٹی فورس چھِ باقٕے کانٛہہ تہِ مُمکِنہٕ خطرٕ ختم کرنہٕ خٲطرٕ جایہِ پٮ۪ٹھ پوٗرٕ پٲٹھۍ ہوشیار ۔