قٲضۍ گُنڈَس منٛز 658 سۄنہٕ بسکٹَن ہٕنٛز برآمدی، تفتیش پتہٕ ترٛام ثٲبت
جنوٗبی کشمیر کِس کۅلگام ضِلعَس منٛز کٔرۍ پولیسَن راتھ قومی شاہراہَس پٮ۪ٹھ قاضی گُنٛڈ کِس وِسو علاقَس منٛز اکہِ گاڑِ منٛزٕ 658 سۄنہ بسکٹ ٕ ہِوۍ ضبط تہٕ ترٛےٚ نَفر کٔرِکھ گرفتار۔
پُلسہٕ مُطٲبِق رُکٲوۍ چیک پوائنٹ ٹیمَن اکھ گٲڑی ییٚمیُک نمبر MP09CS0451 چُھ تہٕ گاڑِ منٛز موجود ترٛےٚ نفر ٲسۍ پرژھہٕ گٲر کرنہٕ باپتھ حراستَس منٛز نِنہٕ آمٕتۍ۔ گاڑِ ہِنٛزِ تلٲشی دوران آیہِ 658 سۄنہٕ ہِش بسکٹ (سِکہٕ) برآمد کٔرمٕتۍ، یِمَن ہُنٛد وزن تقریباً 0.98 گرام اوس۔
پولیسَن سمجھ گۄڈٕ یہِ مواد شَک آوَر تہٕ کوٚرُکھ یہِ مٔزیٖد معٲینہٕ تہٕ تجزیہٕ باپتھ ضبط۔ تٔحقیٖقاتَس دوران آو یہِ وُچھنہٕ زِ ضبط کرنہٕ آمُت مواد اوس نہٕ خٲلِص سۄنہٕ بلکہِ ترٛامہٕ پلیٹہٕ یتھ سۄنہ تہہ کھٲلِتھ۔
پولیسَن وون زِ معاملَس مُتعلِق چھُ قاضی گٗنٛڈ پٗلسہٕ تھانس منٛز ابتدٲیی تفتیش شُروٗع کرنہٕ آمٕژ۔ انکوائری چھِ 17 ستمبر 2026 مورخہ ڈی ڈی رپورٹ نمبر 16 تہٕ آرڈر نمبر SDPO/Q/PE/8230 مورخہ 18 ستمبر 2026 تحت کرنہٕ یِوان۔