جموں و کشمیرَس منٛز حزب اِختلاف جماعتن ہُنٛد تہِ  اسمبلی اجلاسَس منٛز 10 دۄہ بَڑاونہٕ کِس معاملَس پٮ۪ٹھ بی جے پی تہٕ کانگریسَس سۭتۍ اتفاق۔ 

جموں و کشمیر اسمبلی کِس ہردٕ کِس اجلاسَس برٛونٛہہ کٔر حکمران نیشنل کانفرنسن از سرینگرَس منٛز قانون ساز پارٹی ہُنٛد اجلاس منعقد۔ امیُک اتحادی کانگریس تہٕ حکومتٕچ حمایت کرن وٲلۍ ژور آزاد ایم ایل ایزو تہِ کٔر اجلاسَس منٛز شرکت۔ 

اسمبلی ہُنٛد شیٚیِم اجلاس سپُد ازشُروع تہٕ اَتھ منٛز آسن صِرِف سَتھ نشستہٕ۔ این سی ہٕکۍ اتحادی کانگریس تہٕ حزب اِختلاف بھارتیہ جنتا پارٹی چھِ منٛگ کٔرمٕژ زِ اجلاگوٚژھ ِ سَتَو نشستو کھۄتہٕ زیادٕ بڑاونہٕ یُن۔ 

نیشنل کانفرنسٕک صدر فاروق عبداللہ ہَن کٔر اَمہِ اجلاسٕچ صدارت یَتھ منٛز وزیر اعلیٰ عمر عبداللہ، این سی ایم ایل اے، سی پی آئی (ایم) ایم ایل اے یوسف تاریگامی تہٕ کانگریسٕکۍ تمام شےٚ ایم ایل اے شٲمِل ٲسۍ۔ 

میٹنگہِ منٛز آیہِ یِنہٕ وٲلِس اسمبلی اجلاسَس پٮ۪ٹھ بحث کرنہٕ تہٕ ایوانَس منٛز عوٲمی مفادٕکۍ مسائل، مُطالبات تہٕ باقی اہم موضوع تُلنہٕ خٲطرٕ حکمت عملی تیار کرنہٕ۔ 

فاروق عبداللہ ہَن دِیُت ایم ایل اے یَن زور زِ تِم دِیِنۍ اسمبلی اجلاسَس دوران عوٲمی خدشاتَن ترجیح تہٕ پننٮ۪ن حلقن پٮ۪ٹھ توجہ ۔