معاشی طور پٲٹھۍ ناکام مودی چھُ مُلکَس گمراہ کران: کھڑگے

کانگریسٕکۍ صدر ملیکارجن کھڑگے یَن کوٚر آز وزیر اعظم نریندر مودی یَس پٮ۪ٹھ براہ راست حملہٕ تہٕ ووٚنُن زِ سُہ چھُ اعدادوشمار غلط ثٲبت کرنُک مٲہر، ملکٕچ معیشت چھِ پرٛٮ۪تھ سطحَس پٮ۪ٹھ گٔمٕژ، سُہ چھُ امہِ ناکٲمی باپتھ لوٗکَن گمراہ کران۔ عام شہرین ہنٛد پونٛسہٕ لوٹنہٕ سۭتۍ یُس معاشی افراتفری تۄہہ پٲدٕ کٔرمٕژ چھِ تہوارچ خوشی کم کٔرمٕژ، افراط زر منٛز اضافہٕ سۭتۍ عدم مساوات منٛز اضافہٕ، سرمایہ کٲری منٛز کمی تہٕ معیشتُک حوصلہٕ کم کوٚرمُت، یُس عدم استحکامُک شکار چُھ۔ تُہٕنٛز حکوٗمت چھِ افراط زر بڑٲوِتھ تہٕ تِہنٛزِ بچتَس پٮ۪ٹھ غٲر ضروٗری ٹیٚکس لگٲوِتھ غریبن تہٕ درمیٲنی طبقَس بوٚڑ دھکہٕ دِوان۔ ‘‘
تٔمۍ ووٚن زِ تُہٕنٛزِ حکوٗمتٕچ چھِ پانٛژھ غٲر متنازعہ عوام مخالف حٔقیٖقت، یِمَو منٛز ساروِی کھۄتہٕ بوٚڑ افراط زر چھُ۔ کھیٚنٕچ افراط زر ٲس 9.2 فیٖصد۔ سبزیَن ہٕنٛز افراط زر گٔیہِ اگستَس منٛز 10.7 فیٖصد پٮ۪ٹھٕ ستمبرَس منٛز 14 رٮ۪تَن ہٕنٛز ساروِی کھۄتہٕ زِیٛادٕ 36 فی صٔدی تام۔