کشتواڑ نارَس منٛز موج تہٕ أمۍ سٕنٛدۍ زٕ شُرۍ دٔزِتھ ہلاک۔

جموں و کشمیر کِس ضلعہٕ کشتواڑ کِس بُدھت دربشالا علاقس منٛز خورشید احمد سٕنٛدِس گَھرس منٛز گوٚو جُمعہ دۄہ رٲژ نار، پولیسَن ووٚن زِ کشتواڑ ضلعہٕ کِس دربشالا علاقَس منٛز نار لگنہٕ کِس واقعَس منٛز گٔیہِ ماجہِ، أمۍ سٕنٛز کوٗر تہٕ نیٚچُو زالنہٕ۔ اوس شونگِتھ۔
تٔمۍ ووٚن زِ شعلہٕ ٲسۍ یوٗتاہ شٔدیٖد زِ تِم ہٮ۪کَو نہٕ بچٲوِتھ۔
ذٔرایعن ووٚن زِ پُلیٖس، فائر ٹینڈر تہٕ مقٲمی لوٗکَو کٔر یِم بچاونہٕ خٲطرٕ پوٗرٕ پٲٹھہِ کوٗشِش مگر یِہنٛزِ محنتہٕ سۭتہِ گوٚو نہٕ کانٛہہ
مرن والٮ۪ن ہٕنٛز شناخت چھِ نازیہ بیگم (موج)، 7 وُہُر آمنہ بانو تہٕ 4 وُہُر رضوان ناوٕ سۭتۍ کرنہٕ آمٕژ۔
أتھہِ دوران چُھ پُلیٖسن اَتھ مُتعلِق اکھ مُقدِمہٕ درٕج کوٚرمُت تہٕ کٔرٕن تٔحقیٖقات
أتھۍ دوران کوٚر جموں و کشمیر اپنی پارٹی ہٕنٛدۍ صدر سید الطاف بخاریَن اَتھ خوفناک واقعَس پٮ۪ٹھ سٮ۪ٹھاہ صدمُک اِظہار۔