یِنہٕ والٮ۪ن 24 گھنٹَن دوران کٔشیٖرِ منٛز ہلکہٕ شیٖن پیٚنُک اِمکان۔

موسمیات محکمَن چھُ یِنہٕ والٮ۪ن 24 گھنٹَن دوران وادی کشمیرَس منٛز کُنہِ کُنہِ جایہِ ہلکہٕ پٮ۪ٹھٕ درمیٲنی شیٖنٕچ پیشین گوئی کٔرمٕژ۔
مُتعلقہٕ محکمہٕ کِس ترجُمانَن ووٚن زِ 22 جنوری روزِ وادی منٛز موسم اوٚبُر تہٕ کینٛہَن جایَن پٮ۪ٹھ روزِ ہلکہٕ شیٖن یا روٗد۔
تٔمۍ ووٚن زِ 23 جنوری چھِ وادی منٛز کم و بیش یِتھۍ موسمی حالات جٲری روزنُک امکان۔