سوپور انکاونٹر: دۅیمہِ دۅہہٕ تہِ تلٲشی آپریشن جٲری۔

شُمٲلی بارہمولہ ضلعہٕ کِس زلورا سوپورَس منٛز چھِ لگاتار دوٚیمہِ دۄہ عسکریت پسندی خٕلاف آپریشن جٲری۔
آتھٕوارِ دۄہ شامَس گٔیہِ زلورا سوپورَس منٛز سیکورٹی فورسَن تہٕ دہشت گردَن درمِیان گولہِ باری ییٚمہِ پتہٕ فوجن اکھ بوٚڑ علاقہٕ سیل کوٚر۔
خبرو مُطٲبِق چھِ سیکورٹی فورسَو سوپور کِس زلورا علاقَس منٛز بٔڑِس پیمانَس پٮ۪ٹھ تلاشی مہم شُروٗع کٔرمٕژ۔
ذٔرایعن ووٚن زِ سیکورٹی فورسَو چھِ گجرپتی، زلورا تہٕ اَتھ أنٛدِ پٔکہِ علاقَن گیرٕ بٔنٛدی کٔرمٕژ تہٕ ژلنٕچ وَتہِ پٮ۪ٹھ نظر تھٲومٕژ۔
تٔمۍ ووٚن زِ ییٚلہِ آتھٕوارِ دۄہ شامَس سیکورٹی فورسٕکۍ اہلکار مشتبہ جایہِ نزدیٖک وٲتۍ، تتہِ موجود دہشت گردَو کٔر اندھا دھند فائرنگ شروع۔
فائرنگ روٗز واریاہس کالس جٲری ییٚمہِ پتہٕ علاقَس منٛز ژھۄپہٕ روٗز۔
دِفٲعی ذٔرایعو مُطٲبِق چھِ لوٗکَن زلورا، گجرپتی علاقہٕ پوٗرٕ پٲٹھہِ سیل کٔرِتھ پَکنَس پٮ۪ٹھ پابٔنٛدی لگاونہٕ آمٕژ۔
تٔمۍ ووٚن زِ وُنیُک تام چھنہٕ ژٔنٛدٕروارِ دۄہ صُبحٲے پٮ۪ٹھٕ دہشت گردن تہٕ فوجس درمِیان تازٕ مُقابلہٕ مُتعلِق کانٛہہ تہِ معلوٗمات