ہولی چھےٚ ہمیشہٕ ہندوستانٕچ گنگا-جمنا ثقافتٕچ علامت روٗزمٕژ: محبوبہ مفتی

پی ڈی پی صدر تہٕ سٲبقہٕ وزیر اعلیٰ محبوبہ مُفتیَن چھِ لوٗکَن ہولی ہِنٛدِس خۄشگوار تہوارَس پٮ۪ٹھ مبارک باد دِژمٕژ تہٕ ووٚنُن زِ یہِ تہوار چھُ میانہِ خٲطرٕ ہمیشہٕ ہندوستانٕچ گنگا جمنا ثقافتٕچ علامت روٗدمُت۔ تٔمۍ ووٚن زِ وۄنۍ چھِ کینٛہہ تعصب پرستو یہِ جیٚشٕن اقلیتَن خٲطرٕ خوفُک سبب بنٛوٚومُت۔
ہولی چھُ ہندو متُک اکھ بوٚڑ تہوار، یُس رنگن تہٕ بہارٕک تہوار پٲٹھۍ تہِ یاد چھُ یِوان کرنہٕ۔ یہِ تہوار چھُ بدی پٮ۪ٹھ نیکی ہٕنٛز فتحٕچ نشاندٕہی کران۔ سٲبقہٕ ؤزیٖرِ اعلیٰ ہن کٔر جُمعہ دۄہ مُقدس تہوار کِس موقعس پیٚٹھ لُکن مُبارک باد۔ تٔمۍ ووٚن ایکس یَس پٮ۪ٹھ أکِس پوسٹَس منٛز زِ "ہولی چھِ میانہِ خٲطرٕ ہمیشہٕ ہندوستانٕچ گنگا جمنا ثقافتٕچ علامت روٗدمٕژ”۔ تٔمۍ ووٚن زِ "مےٚ چھُ یاد یہِ تہوار پننٮ۪ن ہیٚنٛدۍ دوستن سۭتۍ سٮ۪ٹھاہ خوشی تہٕ جوشہٕ سۭتۍ مناونہٕ خٲطرٕ بے صبری سان پیٛاران”۔
محبوبہ مُفتیَن ووٚن: "وۄنہِ گوٚو، وۄنۍ چھِ کینٛہہ جانبدار لوٗکو اقتدارَس منٛز روزَن والٮ۪ن ہٕنٛز منظوٗری سۭتۍ اقلیتَن ہٕنٛدِ جشنٕچ منظوٗری دِژمٕژ۔