خراب موسمی حالات: کپوارِ کٮ۪ن واریٛاہَن پہٲڑی علاقَن منٛز روزن سکول 17 مارچَس تام بنٛد۔
خراب موسمی حالات وٗچھِتھ چھِ شُمٲلی کشمیر کِس کپواڑہ ضِلعس منٛز اِنتِظامیاہَن 17 مارٕچ 2025 ہَس تام واریٛاہَن پہٲڑی علاقَن منٛز تمام سکوٗل بنٛد کرنُک فٲصلہٕ کوٚرمُت
ضلع مجسٹریٹ کپواڑہ کِس ایکس ہینڈلَس پٮ۪ٹھ أکِس پوسٹَس منٛز چھُ وننہٕ آمُت زِ لگاتار روٗد تہٕ شیٖن پینہٕ کِنہِ چھُ ضلع انتظامیہ کپواڑہَن 17 مارٕچ 2025 تام مجھل، کیران، بدنبل، کمکڑی، جماگنڈ تہٕ کرناہ کٮ۪ن پٮ۪ٹھمٮ۪ن علاقن منٛز تمام سکوٗل بند کرنُک فٲصلہٕ کوٚرمُت۔
یہِ کَتھ گژھِ نوٹ کرٕنہِ زِ پٔتِمٮ۪و کینٛہَو دۄہَو پٮ۪ٹھٕ چھُ وادی کشمیر کٮ۪ن ہٮ۪رمٮ۪ن علاقَن منٛز وقفہٕ وقفہٕ سۭتۍ روٗد جٲری ییٚلہِ زَن مٲدٲنی علاقَن منٛز چھُ وقفہٕ وقفہٕ روٗد جٲری۔