جوٚمَس منٛز بین الاقوٲمی سرحَدس پٮ۪ٹھ دراندٲزی ہٕنٛز کوٗشِش ناکام، درانداز شخص ہلاک: بی ایس ایف

حُکامن ووٚن زِ سیکورٹی فورسَن کٔر راتھ شامَس جموں کِس بین الاقوٲمی سرحدَس پٮ۪ٹھ دراندازی ہٕنٛز کوٗشِش ناکام تہٕ کوٚرُکھ اکھ درانداز۔ بی ایس ایف کِس ترجمانَن ووٚن زِ 4 تہٕ 5 اپریل 2025 چہِ درمیٲنی رٲژ وُچھ بی ایس ایف جوانَن جموں کِس سرحدی علاقَس منٛز بین الاقوٲمی سرحدَس اَپارِ مشکوک حرکت۔ تٔمۍ ووٚن زِ "اکھ دراندازٕ آو سرحد پار کران وُچھنہٕ تہٕ پتہٕ آو مارنہٕ”۔
ترجُمانَن ووٚن زِ جوانَو کوٚر دراندازَس چلینج مگر تٔمۍ کٔر آگٲہی نظر انداز تہٕ روٗد برٛونٛہہ کُن۔ تِمَن ہُنٛد ونُن چھُ زِ دراندازَن ہٕنٛز شناخت تہٕ أمۍ سٕنٛدِ طرفہٕ دخل اندازی ہُنٛد مقصد چھُ معلوم یِوان کرنہٕ۔ تٔمۍ ووٚن زِ اَتھ واقعَس مُتعلِق چھُ سٲنِس ہم منصب سۭتۍ سخٕت احتجاج درٕج کرنہٕ یِوان۔