وقف ترمیمی بلَس خٕلاف اسمبلی منٛز ہنگامہٕ، ایوان دۄہَس خٲطرٕ مُلتوی

جموں و کشمیر اسمبلی آیہِ وقف ترمیمی بلَس خٕلاف بی جے پی تہٕ نیشنل کانفرنسٕک ممبرَن درمِیان سخت لفظن ہٕنٛدِ تبادلہٕ پتہٕ ژٔنٛدٕروارِ دۄہ دۄہَس خٲطرٕ مُلتوی کرنہٕ، ییٚمہِ پتہٕ اسمبلی ہٕنٛدۍ سپیکرَن وقف ترمیمی بلَس پٮ۪ٹھ بحژ خٲطرٕ نیشنل کانفرنسٕچ پیش کردہ تحریک ملتوی کٔرمٕژ۔ یہِ ؤنِتھ کوٚر مسترد زِ یہِ معاملہٕ چھُ عدالتَس منٛز۔
ژٔنٛدٕروارِ دۄہ صُبحٲے ییٚلہِ ایٚسمبلی ہُنٛد اجلاس جوٚموٗہس منٛز گوٚو، نیشنل کانفرنسٕکۍ رُکُن نذیر غازی تہٕ تنویر صادق گٔیہِ پنٛنہِ نشستہٕ پٮ۪ٹھ کھڑا تہٕ کوٚرُکھ وقف ترمیمی بِلَس پٮ۪ٹھ بحژ کرنٕچ منٛگ۔ ییٚلہِ سپیکر عبدالرحیم راتھرَن نیشنل کانفرنسٕچ پیش کٔرمٕژ تحریک رَد کٔر، ایوانس منٛز گوٚو واریاہ ہنگامہٕ۔