اسمبلی چھےٚ سارنٕے ہٕنٛز ، نہ صِرِف نیشنل کانفرنس یا کُنہِ بییہِ جمٲژ ہِنٛز : سجاد لون

پیپلز کانفرنسٕک صدر تہٕ ایم ایل اے سجاد غنی لون چھُ اسمبلی منٛز وقف بلَس پٮ۪ٹھ بحث نہٕ کرنس پٮ۪ٹھ سخت اعتراض کوٚرمُت تہٕ ووٚنمُت زِ اسمبلی چھِ پرٮ۪تھ کٲنٛسہِ ہٕنٛز ، یہِ چھُنہٕ صرف نیشنل کانفرنسَس یا کُنہِ بییہِ جمٲژ سۭتۍ تعلُق تھاوان۔

تٔمۍ ووٚن زِ جموں و کشمیر چھُ مُلکُک وٲحِد مُسلمان اکثریتی صوبہٕ اَمی مۄکھٕ گژھہِ وقف بلَس پٮ۪ٹھ ییٚتہِ پٮ۪ٹھٕ اکھ مضبوٗط پیغام یُن دِنہٕ۔

صدرَن کوٚر ییٚتہِ نامہ نِگارن سۭتہِ کَتھ کران یِمَن خیالن ہُنٛد اِظہار