جموں و کشمیر اسمبلی دُپہرَس 1 بجہِ تام مُلتوی۔

جموں و کشمیر اسمبلی منٛز گوٚو بۄدوارِ دۄہ وقف ترمیمی بلَس پٮ۪ٹھ لگاتار ترٛیٚیِمہِ دۄہ ہنگامہٕ آرٲئی، ییٚمہِ سۭتۍ سپیکرَن دُپہرَس 1 بجے تام ایوان ملتوی کوٚر۔

ییٚلہِ بۄدوارِ دۄہ صُبحٲے ایوان شروع گوٚو، نیشنل کانفرنسٕکۍ رُکُن گٔیہِ پنٛنہِ نشستہٕ پٮ۪ٹھ کھڑا تہٕ آیہِ کۄرَس نزدیٖک تہٕ کوٚرُکھ وقف ترمیمی بِلَس پٮ۪ٹھ بیٚیہِ اکہِ لٹہِ بحژ کرنٕچ منٛگ۔

أتھہِ دوران آیہِ بی جے پی ایم ایل اے تہِ قائد حزب اختلاف سنیل شرما سٕنٛزِ قیادتس منٛز تہٕ دۄشوٕنی جماعتَو کٔر نعرٕ بازی شروٗع۔