عمر عبداللہ سُنٛد ٹنگدھارُک دورٕ، گولہ بٲری سۭتۍ گژھن واجنہِ تبٲہی ہُنٛد نِیوٗکھ جٲیزٕ۔

جموں و کشمیرُک وزیر اعلیٰ عمر عبداللہ کوٚر بۄموارِ دۄہ شُمٲلی کشمیر کِس کپواڑہ ضلعہٕ کِس تنگدھار علاقُک دورٕ تہٕ کوٚرُن حالیہ پاکستانی گولہ باری سۭتۍ گژھن واجنہِ تبٲہی ہُنٛد جٲیزٕ۔ اتھ دوران کٔر تٔمۍ مُتٲثِر خاندانن سۭتۍ تہِ کتھ باتھ، یہِ ونان زِ حکومت چھِ مُتٲثِریٖنن سۭتۍ کھڑا تہٕ یِہنٛدۍ مصائب یِن نہٕ کُنہِ تہِ طریقہٕ نظر انداز کرنہٕ۔ عمر عبداللہَن ووٚن ‘ایکس’ پٮ۪ٹھ أکِس پوسٹَس منٛز: ‘مےٚ گوٚو تنگدھار کٮ۪ن گولہ باری سۭتۍ متٲثر علاقَن ہُنٛد دورٕ تہٕ کوٚرُن تِمَن عیالَن سۭتۍ مُلاقات یِمَو سٮ۪ٹھاہ دَگَس منٛز غٲر معموٗلی ہمت ہُنٛد مظٲہرٕ کوٚرمُت۔ تیم کوٚر مزید: ‘تہنز ہمت چِھ متاثر کن۔ حکومت چِھ تمن سۭتۍ پھیکس سۭتۍ کھڑا آسان، تہٕ یمن ہنٛد مصائب ییہٕ نہٕ کُنہٕ تہٕ طریقہٕ نظر انداز کرنہٕ۔’ تٔمۍ سٕنٛدِس پوسٹَس منٛز چھُ بیٚیہِ وننہٕ آمُت: ‘عزت تہٕ نَیہِ وۄمید سۭتۍ یِیہِ تِہنٛز زِنٛدگی دُبارٕ تعمیر کرنس منٛز مدد کرنہٕ خٲطرٕ پرٛٮ۪تھ مُمکِن کوٗش وزیر اعلیٰ اوس پٔتمہِ دۄہ پوٗنچھ ضِلعس منٛز گولہٕ باری سۭتۍ مُتٲثِر علاقن ہُنٛد دورٕ کوٚرمُت تہٕ اَتھ دورَس دوران کوٚرُن مُتٲثِریٖنَن حکوٗمت کہِ طرفہٕ پرٛٮ۪تھ مُمکنہٕ امداد یٔقیٖنی۔