منوج سنہا تہٕ عمر عبداللہ ہَن کٔر لوٗکَن کرسمس مبارک باد.

جموں و کشمیرٕکۍ لیفٹیننٹ گورنر منوج سنہا تہٕ وزیر اعلیٰ عمر عبداللہ ہَن کٔر کرسمس کِس خوشی ہٕنٛدِس موقعس پٮ۪ٹھ لوٗکَن مبارک باد۔ لوٗکَن پَنٕنہِ مُبارکَت پیش کٔرِتھ ووٚن منوج سنہاہَن ‘ایکس’ پٮ۪ٹھ أکِس پوسٹَس منٛز زِ ‘بہٕ چھُس کرسمس کِس خوشی ہِنٛدِس موقعَس پٮ۪ٹھ لوٗکَن مبارکباد پیش کران۔تٔمۍ ووٚن، ‘یہِ تہوار چھُ اسہِ یاد پاوان زِ سانہِ دۄہ دِش چہِ زِنٛدگی منٛز محبت، ہمدردی تہٕ معٲفی مُتعلِق عیسیٰ مسیح سٕنٛز تعلیمہٕ پاننٲوِن’۔تٔمۍ ووٚن دُعا زِ ‘کرسمس گژھِ اسہِ ضروٗرت منٛدَن ہٕنٛز مدد کرنہٕ خٲطرٕ تہٕ سارنٕے خٲطرٕ امن، خۄشحٲلی تہٕ خوشی واتناونہٕ خٲطرٕ ترغیب دِنہٕ۔’عمر عبداللہ ہَن تہِ کٔر اَتھ خوشی ہِنٛدِس موقعس پٮ۪ٹھ لوٗکَن مبارکباد ۔وزیر اعلیٰ سٕنٛدِس ‘ایکس’ ہینڈلَس پٮ۪ٹھ أکِس پوسٹَس منٛز اوسُکھ ونٛنہٕ آمُت زِ ‘وزیر اعلیٰ ہن چھُ کرسمس کِس موقعَس پٮ۪ٹھ لوٗکَن مُبارکَت کٔرمٕژ تہٕ چھُکھ یہِ تہوار امن، محبت تہٕ ہمدردی ہٕنٛز علامت قرار دِژمُت۔تٔمۍ ووٚن زِ یہِ تہوار چھُ ہم آہنگی تہٕ باہمی احترام کٮ۪ن مشترکہٕ اقدارَن ہُنٛد عکاس کران.