کے بی ایس اے وفدٕچ وزیرِ تعلیم محترمہ سکینہ ایتوس سٍتۍ ملاقات۔
از کٔر کشمیر بک سیلرز اینڈ سٹیشنرز ایسوسی ایشنُک (کے بی ایس اے) ہُند اکھ وفد، یُس صدر جناب مدثر احمد پوش تہٕ جنرل سیکریٹری جناب وسیم جاوید زرگر سٕنزِ سربرٲہی منز کٔر معزز وزیرِ تعلیم محترمہ سکینہ ایتو جی یس سٍتۍ ملاقات یتھ منز جموں و کشمیرس منز کتابن ہندِ تجارتس متعلق مختلف اہم مسلن پیٹھ کتھ کرنہ ییہِ۔
میٹنگس دوران کٔر وفدَن کِتاب کٕنَن والٮ۪ن تہٕ سٹیشنرن درپیش اہم خدشات تہٕ چیلنجن سۭتۍ سۭتۍ تجارتٕچ ہموار کٲم تہٕ معتبریت سۭتۍ وابستہٕ مسلن ہُند اِظہار۔ معزز وزیرن بوز تُلنہٕ آمٕتۍ نکتہٕ صبرٕ سان تہٕ دِتُن دوستانہٕ تہٕ تعمیری اندازس منٛز جواب۔
عزت مآب وزیرِ تعلیمَن دِیُت ایسوسیشنَس کِتابن ہٕنٛدِ تجارتٕکۍ حٔقیٖقی خدشات دور کرنہٕ خٲطرٕ پنُن مُکمل تعاون تہٕ تمام مُمکِن حمایتُک یقین دِوان، تہٕ کِتابن تہٕ سٹیشنرن ہٕنٛدٮ۪ن مُفادَن تہٕ شہرتٕچ حفاظتہٕ خٲطرٕ حکوٗمتٕک عزمُک اعادہ کوٚر۔
وفدَن کوٚر عزت مآب وزیر سٕنٛدِ مثبت نقطہٕ نظر خٲطرٕ شُکرگزاری ہُنٛد اظہار