نوکری دھوکہ دہی کیسَس منٛز مُلزِمَن خٕلاف چارج شیٹ درٕج: سی بی کے

کرٛایِم برانچ کشمیر (سی بی کے) ہٕکہِ اکنامک کرائمز وِنگَن چھُ نوکری دھوکہٕ دِنہٕ کِس معاملَس منٛز کرگِل کِس أکِس شخٕصَس خلاف چارج شیٹ درٕج کٔرمٕژ۔
وِنٛگ ہٕنٛدِ ترجمانَن ووٚن أکِس بیانَس منٛز زِ کرٛایِم برانچَن چھُ انڈین پینل کوڈ (آے پی سی) کِس دفعہٕ 420 ہَس تحت ایف آئی آر نمبر 13/2023 تحت سرینگر کِس گاسیار علاقَس منٛز روزَن وٲلِس محمد ہدا سٕنٛدِس نیچوِس غلام نبی ہُدا سٕنٛدِس عدالتَس منٛز چارج شیٹ درٕج کٔرمٕژ۔
تٔمۍ ووٚن زِ یہِ مقدمہٕ اوسُکھ أکِس شِکایتَس پٮ۪ٹھ درٕج کرنہٕ آمُت یَتھ منٛز یہِ الزام اوس لگاونہٕ آمُت زِ 2021 ہَس دوران اوس شِکایت کَرن وٲلِس مُلزِمَس سمکھیوٚو یُس پنُن پان اکھ اعلیٰ درجُک سرکٲرِ افسر اوس پیش کوٚرمُت۔
تٔمۍ ووٚن زِ ‘مُلزِمن چھُ مبینہ طور شکایت کَرن وٲلِس تہٕ باقیَن پٲنسہٕ بدلہٕ سرکٲرۍ نوکریَن ہُنٛد وعدٕ کٔرِتھ دھوکھہٕ’۔
بیانَس منٛز اوسُکھ بیٚیہِ ووٚنمُت زِ یِمَن اپزَن وعدَن پٮ۪ٹھ پژھ کٔرِتھ کٔرِ شِکایت کَرن وٲلہِ مُلزِم سٕنٛدِس بینک کھاتَس منٛز نَوَن مُختٔلِف قٕسطن منٛز واریاہ لچھ رۄپیہِ جمع کٔرِتھ، تاہم بار بار …