*لیفٹیننٹ گورنر گےکپواڑہَس منٛز نشا مُکت جموں کشمیر مُہمہِ منٛز شٲمِل*

لیفٹیننٹ گورنرَن ووٚن زِ پٔتِمٮ۪ن 32 دۄہَن دوران چھُ سول تہٕ پولیس انتظامیہَن منشیاتٕچ اسمگلنگ ہٕنٛدِس پوٗرٕ ماحولیٲتی نظامَس تباہ کُن دھچکا لگٲومُت، تہٕ یہِ عوٲمی تحریٖک چھِ منشیاتَس خٕلاف انقلابَس منٛز تبدیٖل گَژھان۔**سانۍ مسلسل عمل چھِ نارکو دہشت گرد نیٹ ورکس مفلوج کران۔ کرور مالٕچ جائیداد چھِ ضبط کٔرمٕژ، اثاثہٕ چھِ ضبط کرنہٕ آمٕتۍ، تہٕ 15 اسمگلرن ہٕنٛدِ پاسپورٹ چھِ منسوخ کرنٕچ سفارش کرنہٕ آمٕژ۔ 730 کھۄتہٕ زِیٛادٕ اسمگلر تہٕ سوداوار چھِ گِرِفتار کٔرمٕتۍ: ایل جی سنہا۔**لیفٹیننٹ گورنرَن ووٚن زِ اپریلَس منٛز امہِ مُہِم کِس آغازَس منٛز اوس واریاہَو لوٗکَو منشیاتَس خٕلاف عوٲمی تحریٖک ہٕنٛدِس امکانَس پیٹھ شک کوٚرمُت تہٕ بیدار عوامٕچ طاقت تہٕ شہریَن ہٕنٛدِ مددتہٕ سۭتۍ پرعزم حکومتٕکۍ اثرَن ہُنٛد کم اندازٕ لگٲومُت۔**مرکزٕک زیر انتظام علاقَس منٛز لوٗکَن ہٕنٛز شرکتَس تہٕ بٔڑِس پیمانَس پٮ۪ٹھ مددٕ سۭتۍ چھِ گامَن، شہری محلَن، سکوٗلَن، کالجَن تہٕ جموں کےٕچ سڑکَن منٛز اکھ پٔزۍ پٲٹھۍ نامیٲتی تحریٖک پٲدٕ گٔمٕژ۔*