یوم آزٲدی برونٛہہ کٔشیٖرِ اندر سیکورٹی منٛز ہُرٮ۪ر،وادی منٛز یومِ آزٲدی تقریبات منعقد کرنہٕ خٲطرٕ چھِ وسیع انتظامات کرنہٕ آمٕتۍ.

جموں و کشمیرَس منٛز چھِ سیکورٹی ایجنسیَو یومہِ آزٲدی ہٕنٛدِ تقریٖب برٛونٛہہ نگرٲنی، گشت تہٕ رسٲیی کنٹرول کرنٕکۍ اقدامات تیز کٔرۍمٕتۍ۔ أتھۍ دوران چھِ اعلیٰ حکامَو عوامس اتھ قومی تقریبہِ منٛز بٔڑِس تعدادس منٛز حصہٕ نِنٕچ اپیل کٔرمٕژ۔ برٛٮ۪سوارِ دۄہ سرینگر کِس بخشی سٹیڈیمَس منٛز 15 اگست چہِ تقریٖب چہِ ریہرسلہِ دوران ووٚن کٔشیٖر زونٕکۍ انسپکٹر جنرل آف پولیس (آئی جی پی) وی کے بردی یَن زِ حکامَن نِش چھُنہٕ وُنکیٚس کانٛہہ تہِ اطلاع یِم 25 نومبر 2025 دۄہ نیہِ دِلہِ منٛز لال قِلعہٕ دھماکَس تہٕ القاعدہَس درمیان کُنہِ تہِ رٲبطٕچ تصدیٖق کَرہن۔ پرٛژار ؤسیٖلن ہِنٛدٮ۪ن سوالَن ہُنٛد جواب دِوان ووٚن باردی  ین زِ حالانٛکہِ یہِ چھُنہٕ اتھ معاملَس پٮ۪ٹھ تفصیل سان کَتھ کرنہٕ خٲطرٕ صحیح وقت ، مگر پولیسَس نِش چھِنہٕ وُنکیٚس یِژھ کانٛہہ زانکٲری ۔ تٔمۍ ووٚن زِ یوٗت تام اسہِ پتاہ  چُھ  وُنیُک تام چھُنہٕ امہِ قٕسمُک کانٛہہ تہِ اطلاع۔ پُلسہٕ اَفسرَن ووٚن یہِ تہِ زِ یومِ آزٲدی ہُنٛد جشن آسانی سان منعقد کرنہٕ خٲطرٕ چھِ پوٗرٕ کٔشیٖرِ منٛز وسیع تیٲری کرنہٕ آمٕژ۔ مُختٔلِف ضِلعن منٛز آیہِ حِفٲظتی ریہرسل کرنہٕ تہٕ سٲرِسٕے وادی منٛز چھِ حِفٲظتی اِنتِظام مضبوٗط کرنہٕ آمٕتۍ۔