جموں و کشمیرٕکہِ ڈی جی پی یَن نِیُو یومہِ آزٲدی برٛونٛہہ شُمٲلی کٔشیٖرِ منٛز حِفٲظتی انتظامَن ہُنٛد جٲیزٕ۔ ڈی جی پی یَن دِیُت تقریبن ہُنٛد پُر امن انعقاد یقینی بناونہٕ خٲطرٕ تمام سیکورٹی ایجنسیَن درمیان قریبی ہم آہنگی پٮ۪ٹھ تہِ زور۔

ڈایریکٹَر جنرل آف پولیس جموں و کشمیر، نلین پربھاتن کوٚر سوپورُک دورٕ تہٕ کٔرٕن یومہِ آزٲدی ہٕنٛدِ تقریٖب برٛونٛہہ بارہمولہ تہٕ سوپورَس منٛز جٲری دہشت گردی خٕلاف کارروائیَن تہٕ حِفٲظتی انتظامَن ہُنٛد تفصیٖلی جٲیزٕ۔ اَتھ دوران ٲسۍ آیی جی پی کشمیر ، سوپور تہٕ بارہمولہ ایس ایس پی تہِ یِمن سٍتۍ۔ دورَس دوران کوٚر ڈی جی پی یَن 15 اگست تام تعیناتی، علاقَس پٮ۪ٹھ غلبہٕ تہٕ تحقیقاتی اقداماتن ہُنٛد جٲیزٕ۔ تٔمۍ دِیُت فیلڈ افسرَن عوامس خٲطرٕ تکلیف کم کٔرِتھ تہٕ حِفٲظتی انتظامات یقینی بنٲوِتھ سخٕت چوکسی برقرار تھاونٕچ ہدایت۔ڈی آئی جی شُمٲلی کشمیر رینج شری ونود کمار، ایس ایس پی بارہمولہ شری گُرندر پال سنگھ، تہٕ ایس ایس پی سوپور شری افتخار طالب ٲسۍ حِفٲظتی انتظامات تہٕ مٲدان کِس معٲینہٕ کِس آپریشنل جٲیزَس دوران موجود۔ ڈی جی پی یَن دِیُت یہِ یٔقیٖنی بناونَس پٮ۪ٹھ زور زِ تمام سیکورٹی ایجنسیہِ کَرن یومہِ آزٲدی ہٕنٛز پُر امن تہٕ محفوٗظ تقریٖب باپتھ اِکہٕ وٹہٕ کٲم۔