*جموں و کشمیر کِس صورتحالس مُتلِق کَتھ کرِ نہ تہ امریکی ایلچی سمکھنہٕ برٛونٛہہ کٔرِ وزیر اعلیٰ عمر سرینگر شہرس أندۍ پٔکۍ واریاہ ترقیاتی منصوبہٕ چیک *
وزیر اعلیٰ عمر عبداللہ ہَن ووٚن بۄدوارِ دۄہ زِ جموں و کشمیرَس مُتلِق مسلہٕ گژھِ واشِنگٹنَس نہٕ بلکہ مرکزَس سٕنٛدِ طرفہٕ حل کرنٕچ ضروٗرت، تہٕ تٔمۍ کٔر یِہنٛدِس یِنہٕ واجنہِ ملاقاتَس دوران امریکی سفیرَس سۭتۍ کانٛہہ تہِ شِکایت تُلنہٕ نِش انکار۔ امریکی ایلچی سرجیو گور چھُ آز گۄڈٕنِچہِ لَٹہِ جموں و کشمیرُک دورٕ کران۔ سُہ چھُ سرینگرَس منٛز لیفٹیننٹ گورنر منوج سنہا تہٕ وزیر اعلیٰ عمر عبداللہ ہَس سۭتۍ مُلاقات کرُن۔ کشمیر نیوز آبزرور (کے این او) مُطٲبِق ووٚن سی ایم عمرَن صحافیَن سۭتۍ کَتھ باتھ کٔرِتھ زِ سُہ کَرِ امریکی سفیرس سۭتۍ جموں و کشمیر تہٕ علاقٕچ صورتحالَس پٮ۪ٹھ کتھ مگر تٔمِس کرِ نہٕ کانٛہہ تہِ مسلہٕ حل کرنہٕ خٲطرٕ کانٛہہ شِکایت۔ تٔمۍ ووٚن زِ سٔفیرَس سۭتۍ مُلاقات چھِ واریاہ کالہٕ پتہٕ سپدان تہٕ ووٚنُن زِ سُہ چُھ کتھ باتھ کرنُک منتظر ۔