جموں و کشمیر موسم اپڈیٹ: وُزملو گگرایو سان تیز واو  پکنُک اِمکان۔

محکمہٕ موسمیات (آی ایم ڈی) مُطٲبِق چھُ یِنہٕ والٮ۪ن 24 گھنٹَن دوران جموں و کشمیرَس منٛز  وُزملو گگرایو سان روٗد  پٮ۪نُک امکان۔  جوٚم ڈویژنَس منٛز چُھ وُزملو گگرایو سان ہلکہٕ پٮ۪ٹھٕ درمیٲنی روٗد پیٚنُک امکان، ییٚلہِ زَن کٔشیٖرِ ڈویژنَس منٛز ہیکہِ الگ الگ  جاین پٮ۪ٹھ وُزملو گگرایو سان ہلکہٕ روٗد  پٮ۪تھ۔ موسمی صورتحالَس پٮ۪ٹھ غور کٔرِتھ چھُ ڈرایورَن باپتھ ٹریفِکٕچ ایڈوائزری جٲری کرنہٕ آمٕژ، خاص پٲٹھۍ تِم یِم جموں سرینگر قومی شاہراہُک استعمال کران چھِ۔ حکامَو چھُ مسافرَن زور دِیُتمُت زِ تِم کٔرِن پنُن سفر شُروٗع کرنہٕ برٛونٛہہ سڑکہِ ہٕنٛز حالت  معلوم۔ واریاہَن علاقَن منٛز چھِ گاڑیَن ہٕنٛز نقل و حرکت تہٕ اکہِ لین ٹریفکَس  پٮ۪ٹھ پابٔنٛدی لگاونہٕ آمٕژ۔

محکمہٕ موسمیاتَن کٔر یہِ تہِ ذِکِر زِ یِنہٕ والٮ۪ن دوٚن دۄہَن منٛز چھُ جموں و کشمیر کٮ۪ن کینٛژھن حِصن منٛز وُزملو گگرایو سان ہلکہٕ روٗد تہٕ پٮ۪نُک اِمکان۔ محکمٕچ ستن دۄہَن ہٕنٛزِ پیشنگویی مُطٲبِق چھُ 10 ستمبر تام دۄشوٕنی ڈویژنَن منٛز روٗد پیٚنُک امکان۔