ترال: ٹھیکدرن ہٕنٛز عوٲمی حقوق بحال کرنہٕ خٲطرٕ یونین، تقریبہِ دوران غلام محی الدین ڈار اننت ناگ آر اینڈ بی ڈویژنُک صدر منتخب ۔
وادی کشمیر کین واریاہن ضِلعن منز چھِ ٹھیکدار کم ٹینڈرن ہندِ وجہہٕ احتجاج جٲرِی، تکیازِ مقٲمی ٹھیکیدارن ہُند خیال چھُ زِ نیبرِم ضِلعہٕ یا نیبرِم وادی ہٕندِ ٹھیکدار چھِ امہِ کم ٹینڈرنگ سسٹم کِنۍ سرکٲرۍ پروجیکٹن ہٕنٛدۍٹینڈر حٲصِل کران، یُس کامہِ ہُند بہاؤ متٲثر کران چھُ تہٕ مقٲمی ٹھیکیدارن تہِ متٲثر کران چھُ۔
اننت ناگ آر اینڈ بی ڈویژنَس سۭتۍ وابستہٕ ٹھیکدارَو چھِ پنٕنۍ مسلہٕ حل کرنہٕ تہٕ باہمی اتحاد تہٕ ہم آہنگی فروغ دِنہٕ خٲطرٕ کنٹریکٹرز ویلفیئر ایسوسی ایشن ناوٕ اکھ یونین بنٲومٕژ۔
اَتھ سلسلَس منٛز آیہِ مشہوٗر سیاحتی جایہِ شکر گاہ ترالَس منٛز یونین اِنتخابات منعقد کرنہٕ، یَتھ دوران غلام محی الدین ڈار اننت ناگ آر اینڈ بی ڈویژنُک صدر منتخب کرنہٕ آو ییٚلہِ زَن غلام محمد بٹ نٲیِب صدر، محمد اسماعیل صوفی جنرل سیکریٹری، فاروق احمد ڈار سیکریٹری، نذیر احمد وانی کیشیئر، جاوید احمد ملا پبلسٹی سیکریٹری منتخب کرنہٕ۔ تہٕ عرفان احمدآے بطورِ منتظم منتخب کرنہٕ ۔