خان صٲب بڈگام: نارٕ وٲرداتس منٛز3 گَرٕ خاکستر، بسکیٖن در  سپٕدۍبےٚ گر۔

مرکٔزی کٔشیٖرِ  بڈگام ضِلعہٕ کِس خان صٲب علاقَس منٛز  لوٚگ نٮ۪صف رٲژ خوفناک نار ییٚمہِ سۭتۍ ترٛےٚ گَرٕ پوٗرٕ پٲٹھۍ تباہ تہٕ شےٚ خاندان بےٚ گَرٕ سپٕدۍ۔

ذرایعو مُطٲبِق لوٚگ اچانک خان صٲب کِس گرویتھ علاقَس منٛز خان محلس منٛز رٲژ  دوران نار  ییٚمہِ کِنۍ ترٛے رہٲیشی  مکانہٕ سوٗرۍ گٔے۔ نارَس منٛز سپُد گَرَن انٛدر گھریلوٗ سامان، فرنیچر تہٕ باقٕے قۭمتی سامان تہِ تباہ ۔

نار بڑان وُچھِتھ  گٔے مقٲمی لوٗکھ واقعہٕ جایہِ پیٹھ تہٕ کٔرٕکھ نار قوبوٗ کرنٕچ کوٗشِش شُروٗع۔ نار لگنہٕ کِس نٔتیٖجَس منٛز گٔے ترٛےٚ مکانہٕ پوٗرٕ پٲٹھۍ تباہ، ییٚمہِ سۭتۍ شےٚ خاندان بےٚ گَرٕ سپٕدۍ۔ نارَس منٛز گوٚو مُتٲثِر خاندانَن سٮ۪ٹھاہ مٲلی نۄقصان ۔