وزارت داخلہس سٍتۍ کتھ باتھ ‘بے نتیجہٕ’، لدٲخۍ گروپَن کٔر ‘ناقابل واپسی تنظیم نوس’ خلاف وارننگ جٲری۔

وزارت داخلہ کِس قیادتس منٛز آوپینلہٕ طرفہٕ از لداخی وفدَس اِطلاع دِنہ زِ مركزی زیر انتظام علاقہٕ کِس سطحَس پٮ۪ٹھ قٲیِم کرن یِنہٕ وول ادارٕ ہ یِیہِ براہ راست اِنتِخابو ذٔریعہٕ ژارنہٕ ییٚمہِ پتہٕ لداخی قیادتَن پنُن موقفٕ سخٕت کوٚر ۔ تِمَو  چھےٚیو ٹی ماڈلَس حتمی شکل دِنہٕ برٛونٛہہ کُنہِ تہِ ‘بٔڑ تہٕ ناقابل واپسی تنظیم نوِ’ خلاف احتجاجٕچ وارننگ جٲری کٔرمٕژ۔ لیہہ ایپکس باڈی (ایل اے بی) تہٕ کرگِل ڈیموکریٹک الائنس (کے ڈی اے) کٔر نیہِ دِلہِ منٛز وزارت داخلہ کِس ذیلی کمیٹی سۭتۍ کتھ باتھ تاکہ مرکز زیر انتظام کِس سطحس پٮ۪ٹھ منتخب اِدارٕ تہٕ آرٹیکل 370 تحت لداخَس دِنہٕ آمٕتۍ آئینی تحفظَن مُتعلِق مٔزیٖد وضاحت حٲصِل کرنہٕ۔