۔  سپورٹس سٹیڈیم اننت ناگَس منٛز ڈِسٹرکٹ وُشو چیمپین شِپ 2026  ہُک کامیاب  انعقاد۔

ڈِسٹرکٹ وُشوٗ چیمپین شپ 2026 آیہِ از جنوٗبی کشمیر کِس اننت ناگ ضلعہٕ کِس سپورٹس سٹیڈیمَس منٛز منعقد کرنہٕ، ییٚمیُک مقصد نوجوانَن منٛز کھیلَن ہُنٛد رُجحان فروغ دِنہٕ تہٕ وُشوٗ کھلٲڑٮ۪ن پنٕنۍ مہارت ظٲہِر کرنُک موقعہٕ فراہم کرُن اوس تہٕ یہِ تقریب  وٲژ کامیٲبی سان  انٛد۔

چیمپیَن شِپہِ ہُنٛد اہتمام اوس ڈِسٹرکٹ وُشوٗ ایسوسیشن اننت ناگَن ایف ایس ایل ڈی پرائیویٹ لِمیٹڈَس سۭتۍ م رٔلِتھ کوٚرمُت، ییٚلہِ زَن ایف ایس ایل ڈی فایٹرز کلبَن کٔر تقریبہٕ خٲطرٕ تربِیتی شراکت دار  سٕنٛدۍ پٲٹھۍ کٲم ۔ یہِ چیمپیَن شِپ ٲس جموں و کشمیر سٹیٹ سپورٹس کونسل تہٕ وزارت یوتھ سروسز اینڈ کھیلَن سۭتۍتہِ وابستہٕ۔

ضِلعہٕ اننت ناگ کٮ۪و مُختٔلِف علاقَن سۭتۍ تعلق تھاون وٲلۍ نوجوان وُشوُ کھلٲڑیَو نیوٗ چیمپیَن شِپَس منٛز حصہٕ، یَتھ منٛز  تِمو پننہِ گِنٛدنٕچ مہارت، جِسمٲنی تندرستی ، تکنیکی صلٲحِیت تہٕ مُختٔلِف مُقابلَن منٛز مُقابلہٕ کہِ جذبُک مُظٲہرٕ کوٚر۔ کھلاڑیو  نِیُو اتھ منٛز پنٕنۍ بہترین کارکردٕگی ہُنٛد مظٲہرٕ کٔرِتھ پوٗرٕ جوشہٕ سان حصہٕ۔

اَتھ موقعَس پٮ۪ٹھ کٔر کوچَو تہٕ نٲظمَو کھلٲڑٮ۪ن ہِنٛدِ جوش، محنت تہٕ کھیلَن خٲطرٕ یِہٕنٛدۍ تعریٖف۔