اُدھم پورَس منٛز ڈِفٮ۪نس گارڈ (وی ڈی جی) گوٗلۍ لگنہٕ سۭتۍ زخمی ،ہسپتال منتقل۔
ازصُبحٲے آو اُدھم پوٗر ضِلعہٕ کِس مجالتا علاقَس منٛز اکھ واقعہٕ پیش ۔ یَتھ منٛز گامُک دِفٲعی گارڈ (وی ڈی جی) گوٗلۍلگنہٕ سٍتۍزخمی گوٚو۔ اِبتِدٲیی معلوٗمات مُطٲبِق گوٚو یہِ واقعہٕ تَمہِ وِزِ ییٚلہِ وی ڈی جی رُکُن سٕنٛزِ رائفلہِ سۭتۍ اچانک گوٗلۍ درٛایہِ۔
وننہٕ چھُ یِوان زِ اچانک درٛامٕثژ گوٗلۍ لٔج وی ڈی جی رُکُنَس میادَس، ییٚمہِ سۭتۍ سُہ شٔدیٖد زخمی گوٚو۔ واقعہٕ پتہٕ آو سُہ حُکامو، مقٲمی لُکو تہٕ باقین ہٕنٛدِ مدتہٕ سۭتۍ علاج باپتھ بالار ہسپتال منتقل کرنہٕ۔
زخمی وی ڈی جی رُکنہٕ سٕنٛز شناخت چھےٚ پرشوتم سِنٛگھ ناوٕ سٍتۍ کرنہٕ آمٕژ، یُس چور پنجیان مجالتا ہُک روزَن وول چھُ۔ گوٗلۍ لگنہٕ پتہٕ آو أمِس فوری طبی امداد فراہم کرنہٕ۔ وُنکینس چھُ تٔمۍ سٕنٛدِ صحتٕچ حالژ مُتعلِق تفصیٖلی سرکٲرۍ زانکٲری ہُند انتظار۔