جموں و کشمیر اسمبلی: 2027 عوٲمی مسلن پیٹھ ‘ماحولیات بچاوُن ؤری’ قرار۔

جموں و کشمیر قونوٗن ساز اسمبلی ہُنٛد جٲری ‘ہرٕدۍ اجلاسُک’ ژوٗرِم اجلاس سپُد از منعقد ۔ قونوٗن سازو مُختٔلِف عوٲمی مسلَن پٮ۪ٹھ کَتھ باتھ، یَتھ منٛز آبٕچ کٔمی پٮ۪ٹھٕ ڈوٹھہٕ طوٗفانَس سۭتۍ مُتٲثِر ژوٗنٛٹھۍ باغَن راحت فراہم کرنَس تام شٲمِل اوس۔

أزِکِس ایجنڈَس منٛز اوس حکمران نیشنل کانفرنس-کانگریس اتحادٕکۍ پانٛژن قانون سازَن ہٕنٛدِ طرفہٕ پیش کرنہٕ آمٕتۍ پانٛژھ ‘کال اٹینشن موشنز’ شٲمِل۔ اَمہِ علاوٕ کرِ حکمرٲنی تہٕ حزب اِختلاف دۄشوٕیو بینچَو سَتھ قونوٗن ساز ‘پرائیویٹ ممبرز’ بلہٕ پیش۔ یِمَن بِلن منٛزاوس دۄہ دِنہٕ والٮ۪ن مُستقل بناوُن، جوٚم خٲطرٕ پارکنگ ماسٹر پلان تیار کَرُن، سرینگر کِس مضافاتَس منٛز کینٛہہ علاقہٕ ‘لیکس کنزرویشن اینڈ مینجمنٹ اتھارٹی’ کِس دائرہ اختیار نِش خٲرج کَرُن، تہٕ 2027-28 ‘ماحولیات بچاوُن ؤری’ قرار دِنہٕ ہِوین مسلن ہُنٛد احاطہٕ۔