کیرالہ ہَس آو گۄڈَے سٮ۪ٹھا روٗد تہٕ پَسہٕ پٮ۪نہٕ نِش خبردار کرنہٕ: امیت شاہ

مرکزی وزیر داخلہ امیت شاہن ووٚن بۄدوارِ دۄہ راجیہ سبھایہ منٛز زِ کیرالہ حکوٗمتَس آو وایناڈ حٲدثہٕ برٛونٛہہ اکھ ہفتہٕ 23 جولائی سٮ۪ٹھا روٗد تہٕ پَسَن ہٕنٛز پیشگی وارننگ دِنہٕ، مگر أمۍ کٔر نہٕ کانٛہہ ضروٗری کاروٲیی۔
کیرالہ کِس وایناڈ ضلعس منٛز تباہ کن لینڈ سلائیڈٕ سۭتۍ پٲدٕ گژھن وٲلۍ صورتحالس پٮ۪ٹھ ایوانس منٛز توجہ دِنٕچ تحریک پٮ۪ٹھ بحثَس منٛز مداخلت کران ووٚن مسٹر شاہَن زِ یہِ چھُنہٕ الزامَن تہٕ جوابی الزامَن ہُنٛد وقت تہٕ بحران کِس یتھ وقتس منٛز چھِ مرکزی حکومت کیرالہ حکومتٕچ پوٗرٕ حمایت کران تہٕ تتہِ کٮ۪ن لوٗکَن سۭتۍ کھڑا روزان۔

ییٚلہِ بحثَس منٛز حصہٕ نِنہٕ وٲلۍ ارکانَو اِشارٕ کوٚر زِ ابتدٲئی وارننگ سسٹمَس پٮ۪ٹھ چھِ بار بار سوال پٲدٕ کرنہٕ یِوان، مسٹر شاہَن ووٚن زِ 2016 پٮ۪ٹھٕ چھُ مُلکَس منٛز سٮ۪ٹھا روٗد، انتہٲئی گرمی ہٕنٛز لہرٕ تہٕ طوفان ہِوین آفتن خٲطرٕ اکھ جدید ترین وارننگ سسٹم تہٕ امہِ برقی نظام پٮ۪ٹھ حٲصِل گژھن واجنہِ معلوٗمات کِس بُنیادس پٮ۪ٹھ چھُ اکھ ہفتہٕ برٛونٛہہ پیشگی وارننگ سوزنہٕ یِوان۔