جموں و کشمیر: ڈوڈاہَس منٛز رٲژ دوران ہلکہٕ بنیل، کانٛہہ تہِ نۄقصانُک اطلاع چھنہ

جموں و کشمیر کِس ڈوڈا ضِلعس منٛز آو رٲژ ہلکہٕ زلزلہٕ محسوس کرنہٕ۔ تاہم چھُنہٕ کُنہِ تہِ جٲنی یا املاک ہٕنٛدِ نۄقصانٕچ کانٛہہ اطلاع مِلنہٕ آمٕژ۔ یہِ بُنیُل آو ریکٹر پیمانَس پٮ۪ٹھ 2.2 شدتَس پیٹھ ریکارڈ کرنہٕ، یَتھ منٛز زیر زٔمیٖن 10 کلومیٹر سرٛنٮ۪ر اوس۔ نیشنل سینٹر فار سیسمولوجی مُطٲبِق آو جموں و کشمیر کِس ضِلعہٕ ڈوڈا منٛز صبحٲے 1:02 بجہِ بُنیُل۔ تِمَو ووٚن زِ زلزلہٕ آو ریکٹر پیمانَس پٮ۪ٹھ 2.2 ریکارڈ کرنہٕ، یَتھ منٛز زیر زمین 10 کلومیٹر سرٛنٮ۪ر اوس۔ تاہم چھُنہٕ زلزلہٕ سۭتۍ کُنہِ تہِ جٲنی یا املاک نۄقصانٕچ کانٛہہ اطلاع مِلنہٕ آمٕژ۔ یہِ چھُ قٲبلہِ ذِکِر زِ 1 تہٕ 2 مارٕچ رٲژ آو ڈوڈاہَس منٛز تہِ زلزلہٕ محسوس کرنہٕ۔ نیشنل سینٹر فار سیسمولوجی مُطٲبِق آو یہِ بُنیُل ریکٹر پیمانَس پیٹھ 4.2 شدت سۭتۍ ریکارڈ کرنہٕ، یَتھ منٛز زیر زٔمیٖن 5 کلومیٹر سرٛنٮ۪ر اوس۔