* جعلسازی ہٕنٛدِس نیٹ ورکَس خلاف کریک ڈاوُن، ایس سی ڈبلیو کشمیرَن کٔر زمین دھوکہ دہی کیسَس منٛز تلٲشی*

کرٛایِم برانچ جموں و کشمیرٕکہِ سپیشَل کرٛایِم وِنٛگ (ایس سی ڈبلیو) کٔشیٖرِ ووٚن برٛسوارِ دۄہ زِ تِمو کٔر سرینگر تہٕ بڈگامَس منٛز زٔمیٖنی دھوکہ دہی ہٕنٛدِس أکِس معاملَس منٛز تلٲشی یَتھ منٛز لَچھ بَچھ رۄپیہِ شٲمِل چھِ۔خبر رساں ایجنسی کشمیر نیوز آبزرور (کے این او) جٲری کَرنہٕ آمتِس أکِس بیانَس منٛز وون زِ سِپیشَل کرٛایِم وِنگ کشمیر آف کرٛایِم برانچ، جموں و کشمیرَن کٔر سرینگر تہٕ بڈگام ضِلعن منٛز دفعہٕ 420، 468 تہٕ 120-بی آر پی سی تحت درٕج ایف آئی آر نمبر 06/2026 کِس سلسلَس منٛز گھرَن ہٕنٛز تلٲشی ۔تٔمۍ ووٚن زِ ایف آئی آر ٲسٕکھ ہمہاما، بڈگام کِس أکِس روزَن وٲلہِ سٕنٛدِ تحریری شِکایتَس پٮ۪ٹھ درٕج کٔرمٕژ، یٔمِس الزام اوس لوٚگمُت زِ سرینگر، سولیناہٕکۍ روزَن وٲلہِ طارق احمد صوفیَن چھِ سرینگرَس منٛز واقع زمین کٕننہٕ کہِ بہانہٕ أمِس نِش دھوکہ دہی سۭتۍ لَچھ رۄپیہِ حٲصِل کٔرمٕتۍ۔”