مودی کَرِ ژٔنٛدٕروارِ دۄہ 109 قٕسمٕک بائیو فورٹیفائیڈ جٲری۔

نَیہِ دِلہِ: ؤزیٖر اعظم نریندر مودی کَرِ ژٔنٛدٕروارِ دۄہ زیادٕ پٲداوار، آب و ہوا دوستانہٕ تہٕ حیاتیٲتی قلعہ بند فصلن ہِنٛدِ 109 قٕسم جٲری۔
بَٹہٕ وارِ دۄہ ییٚتہِ یہِ زانٛکٲری دِوان ووٚن ؤزیٖر اعظم سٕنٛدِ دفترَن زِ اَتھ موقعَس پٮ۪ٹھ کَرِ مسٹر مودی کٔمِلین تہٕ ساینس دانن سۭتہِ تہِ کَتھ ۔
مسٹر مودی کَرِ 61 فصلَن ہٕنٛدۍ 109 قٕسم جٲری، یِمَن منٛز 34 زرعی فصل تہٕ 27 باغبانی فصل شٲمِل چھِ۔ مُختٔلِف اناجَن ہٕنٛدۍ بِیٲلہِ یِمَن منٛز باجرا، چارہٕ فصل، تیٖلٕک بِیٲل، دالہٕ، گنہٕ، کپس، ریشہ تہٕ باقی فصلہٕ شٲمِل چھِ، یِن کھہَن ہٕنٛدٮ۪ن فصلَن منٛز جٲری کرنہٕ۔ باغبانی کٮ۪ن فصلَن منٛز یِن مُختٔلِف قٕسمٕک مٮ۪وٕ، سبزی، شجرکٲری ہٕنٛدۍ فصل، قندٕک فصل، مسالہٕ، پوش تہٕ دوا فصلہٕ جٲری کرنہٕ