سپریم کورٹ کَرِ سی بی آی معاملَس منٛز وزیر اعلیٰ کجریوال سٕنٛزِ عرضی پٮ۪ٹھ جلدی سنوٲۍ

نئی دہلی: سپریم کورٹَن دِیُت سوموارِ دۄہ وزیر اعلیٰ اروند کیجریوال سٕنٛزِ عرضی پٮ۪ٹھ جلدٕی شنوٲیی ہُنٛد اِشارٕ، یَتھ منٛز دِلہِ ایکسایز پالیسی مبینہ گھوٹالہٕ کیسَس منٛز سینٹرل بیورو آف انویسٹی گیشن (سی بی آئی) ذٔریعہٕ تٔمۍ سٕنٛز گرفتٲری ہٕنٛز قانونی حیثیت چیلنج کرنہٕ آمٕژ چھِ۔
چیف جسٹس ڈی وائی چندرچوڑ تہٕ جسٹس جے بی پردی والا تہٕ منوج مشرا سٕنٛدِ بیٚنچ ووٚن سینئر ؤکیٖل اے ایم سنگھوی تہٕ چندر اُدے سِنٛگھس زِ تِم سوزَن اَتھ معاملَس منٛز ای میل ذٔریعہٕ درخواست۔ دۄشوٕنی وکیلن اوس ‘خاص ذِکرَس’ دوران کجریوال سُنٛد موقف پیش کوٚرمُت تہٕ أمۍ سٕنٛز عرضی فوری طور درج کرنٕچ منٛگ کٔرمٕژ۔
دِلہِ ہایی کورٹَن ٲس 5 اگست کجریوال سٕنٛزِ ضمانتٕچ درخاست تہٕ سینٹرل بیورو آف انویسٹی گیشن (سی بی آئی) سٕنٛدِ طرفہٕ دٲخل کرنہٕ آمُت مقدمہٕ رد کرنہٕ خٲطرٕ درخاست مسترد کٔرمٕژ۔ جسٹس نینا بنسل کرشنا سٕنٛدِ سنگل ججَن ہٕنٛدِ بیٚنچن اوس پنُن حُکُم دِنہٕ وِزِ ووٚنمُت زِ سی بی آی یس نِش چھِ وزیر اعلیٰ کجریوال گِرِفتار کرنہٕ خٲطرٕ کٲفی قونوٗنی بنیاد۔