پنجابَس منٛز چھِ آپ امیدوار 3 سیٹَن پٮ۪ٹھ برونٛہہ، بی جے پی چھِ تمام سیٹَن پٮ۪ٹھ پتھ

عام آدمی پارٹی (اے اے پی) ہٕنٛدۍ وۄمیدوار چھِ بَٹہٕ وارِ دۄہ پنجابَس منٛز ژۄن اسمبلی سیٹَن ہٕنٛدِ ضمنی انتخاباتَن ہٕنٛدِ ووٹَن ہٕنٛز گنتی منٛز ترٛٮ۪ن سیٹَن پٮ۪ٹھ تہٕ کانگریسٕکۍ امیدوارَن أکِس سیٹَس پٮ۪ٹھ برتری حٲصِل۔
صبحٲے 10 بجے تام حٲصِل گژھن وٲلۍ رُجحانَو مُطٲبِق چھُ کانگریسُک وۄمیدوار کلدیپ سنگھ ڈھلون برنالا-103 اسمبلی حلقَس منٛز پننِس نزدیٖکی حریف عام آدمی پارٹی کِس ہرندر سنگھ دھالیوالَس خٕلاف 687 ووٹن سۭتۍ برونٛہہ۔ بھارتیہ جنتا پارٹی (بی جے پی) چھِ ییٚتہِ ترٛیٚیمِس نمبرَس پٮ۪ٹھ ۔
چِبیوال سیٖٹہِ منٛز چُھ عام آدمی پارٹی ہُنٛد وۄمیدوار ڈاکٹر اشنِک کُمار کانگریس کِس رنٛجیٖت کُمارس پیٚٹھ 5,924 ووٹن ہِنٛدِ فرق سۭتہِ برٛونٛہہ۔
ڈیرہ بابا نانک سیٹہِ پٮ۪ٹھ چھِ کانگریسٕچ وۄمیدوار جتیندر کور رندھاوا عام آدمی پارٹی کِس گردیپ سنگھ رندھاوا ہَس پٮ۪ٹھ 449 ووٹن ہٕنٛدِ فرق سۭتۍ برونٛہہ۔ ییٚتہِ تہِ چھِ بی جے پی ترٛیٚیمِس نمبرَس پٮ۪ٹھ ۔
گیڈروہہ سیٹہِ منٛز چھُ عام آدمی پارٹی ہُنٛد وۄمیدوار ہردیپ سنگھ ڈمپی ڈھلون کانگریس کِس امرِتا واڈِنگَس پٮ۪ٹھ 1,699 ووٹن ہٕنٛدِ فرق سۭتۍ برٛونٛہہ۔