288 رٗكنن ہنزِ مہاراشٹر اسمبلی تہٕ ناندیڑ لوک سبھا ضمنی انتخاباتن ہندِ ووٹن ہنز گنتی گیہ سخت حفاضتس منز صبحٲے 7 بجے شُروٗع۔ رِیاست کِس چیف الیکٹورل آفیسرَس مُطٲبِق چھِ رِیاستَس منٛز 288 اسمبلی حلقن خٲطرٕ 288 گنتی مرکز قٲیِم کرنہٕ آمٕتہِ تہٕ ناندیڑ لوک سبھا حلقہٕ خٲطرٕ چھِ 01 گنتی مرکز قٲیِم کرنہٕ آمٕتہِ ۔
ووٹَن ہٕنٛز گنتی خٲطرٕ چھِ 288 گنتی انسپکٹر تہٕ ناندیڑ لوک سبھا حلقہٕ خٲطرٕ زٕ گنتی انسپکٹر مُقرر کرنہٕ آمٕتۍ۔ مہاراشٹرٛاہس منٛز ایٚسمبلی اِنتِخابات خٲطرٕ آو 20 نومبر أکِس مرحلَس منٛز ووٹنگ کرنہٕ۔ 65 فیٖصد کھۄتہٕ زِیٛادٕ ووٹ آیہِ دِنہٕ۔
پوسٹل بیلٹَو پٮ۪ٹھ ووٹَن ہٕنٛز گنتی گٔیہِ صبحٲے 8 بجے شُروٗع تہٕ ریاستَس منٛز چھِ واریٛاہَن جایَن اے وی ایم ووٹَن ہٕنٛز گنتی شُروٗع گٔمٕژ۔
گنتی مرکزَن ہٕنٛدِ 300 میٖٹرَس انٛدَر اجتماعَن پٮ۪ٹھ چھِ پابٔنٛدی لگاونہٕ آمٕژ۔